Isaiah 26

परमेश्वराच्या संरक्षणासंबंधी भावपूर्ण गीत

1त्या दिवशी यहूदा प्रदेशात हे गीत गातील,

आम्हाला बळकट शहर आहे, देवाने त्याच्या भींतींना व तटबंदीना तारण असे केले आहे.
2वेशी उघडा म्हणजे नितीमान राष्ट्र जो विश्वास पाळतो, ते आत येतील.

3परमेश्वरा, तुझ्यावर विसंबून असणाऱ्यांना आणि तुझ्यावर श्रध्दा ठेवणाऱ्यांना, तू खरी शांती देतोस.

4सर्वकाल परमेश्वरावर विश्वास ठेव, कारण याह, परमेश्वर, याच्या ठायी सर्वकालचा खडक आहे.

5कारण जे अभिमाणाने राहतात त्यांना तो खाली आणीन, तो उंच गढांना, खाली आणणार, तो तीला भूमीपर्यंत खाली नीच करणार, तो तीला धुळीस मिळवणार.

6दीनदुबळ्यांचे पाय व दरिद्र्यांचे पाय त्यांना तुडवतील.

7सरळपण हा न्यायीचा मार्ग आहे, जो तू सरळ आहेस तो तू न्यायीची वाट सपाट करतो.

8होय, परमेश्वरा, तुझ्या न्यायाच्या मार्गात आम्ही तुझी वाट पाहिली अाहे,
आमच्या जीवाची इच्छा तुझ्या नावाकडे, तुझ्या स्मरणाकडेच आहे.
9प्रत्येक रात्रीबरोबर तुझ्याशी एकरूप होण्याची आमची इच्छा आहे,
माझा आत्मा माझ्यामध्ये आतुरतेने तुला शोधीन,
कारण जेव्हा तुझा न्याय या पृथ्वीवर येतो, तेव्हा या जगातील राहणारे न्यायीपण शिकतात.

10पापी माणसावर तू फक्त दयाच करीत राहिलास तर तो कधीच न्यायीपण शिकणार नाही. सरळपणाच्या भूमीत तो दुष्टतेनेच वागणार,

आणि परमेश्वराचा महिमा पाहणार नाही.

11परमेश्वरा, तुझा हात उंचावलेला आहे, पण त्यांनी त्याकडे लक्ष दिले नाही.

तुझ्या लोकांबद्दल असलेला तुझा आवेश ते पाहतील आणि खजील होतील. तुझे शत्रू नक्कीच त्यांच्याच आगीत भस्मसात होतील.
12परमेश्वरा, तू आमच्यासाठी शांती ठरवशील, कारण खरच तू आमची सर्व कामे आमच्यासाठी पूर्ण केले आहेत.

13परमेश्वर आमचा देव, तुला सोडून इतर देवतांनी आम्हावर राज्य केले. पण आम्ही फक्त तुझीच स्तुती करतो.

14ते मृत आहेत, ते जीवंत नाहीत; ते प्रेेते आहेत, ते उठणार नाहीत.
खरोखर, तू त्यांना दंड देऊन त्यांचा नाश केला आहे आणि त्यांची आठवण तू नष्ट केलीस.

15हे परमेश्वरा, तू राष्ट्र वाढवले आहे, तू राष्ट्र वाढवले आहे, तू सन्मानीत आहेस,

तू भूमीच्या सर्व सीमा विस्तारित केल्या आहेत.

16परमेश्वरा, संकटात असताना ते तुझे स्मरण करतात. तुझी शिक्षा त्यांच्यावर असता त्यांनी तुझ्यापुढे प्रार्थना केली.

17जेव्हा एखादी स्त्री प्रसूतिची वेळ जवळ आली म्हणजे ती वेदनेने विव्हळते आणि आपल्या वेदनांमध्ये ओरडते,
प्रभू, तसे आम्ही तुझ्यापुढे आहोत.

18त्याचप्रमाणे आम्ही गरोदर होतो, आम्ही प्रसूतिवेदनेमध्ये होतो, पण आम्ही फक्त वाऱ्याला जन्म दिला. पृथ्वीत आम्ही काही तारण केले नाही,

आणि जगातील राहणारे पडले नाहीत.

19तुझे मरण पावलेले जीवंत होतील, आमचे मृत शरीरे उठतील. जे धुळीत स्थायिक झाले ते तुम्ही जागे व्हा आणि आनंदाने गायन करा.

कारण तुझ्यावरील दहिवर हे प्रभातीचे जिवनदायी दहिवर आहे, पृथ्वी तिचे भक्ष तिच्यातील मृत बाहेर टाकील.”

20माझ्या लोकांनो, आपापल्या खोल्यांत जा आणि दारे लावून घ्या.

क्रोध टळून जाईपर्यंत थोडा वेळासाठी लपा.
कारण पाहा, परमेश्वर पृथ्वीतल्या राहणाऱ्यांच्या अन्यायाबद्दल शिक्षा करण्यास आपले स्थान सोडून येत आहे.
मारल्या गेलेल्यांचे रक्त पृथ्वी प्रगट करेल, आणि आपल्या वधलेल्यांना यापुढे झाकून ठेवणार नाही.
21